മമ്മൂട്ടിയുടെ കാറ്റാടിയന്ത്രം

ബെര്‍ളിച്ചായനെ വിമര്‍ശിച്ചാല്‍ വിമര്‍ശിക്കുന്നവന്‍ അറിയും എന്നാണ് പൊതുവേയൊള്ള വെപ്പ്. ഞാന്‍ അച്ചായന്‍റെ ആരാധകനാണെങ്കിലും ഒള്ളത് ഒള്ളതുപോലെ പറയും. ഏറ്റവും പുതിയ പോസ്റ്റ്മമ്മൂട്ടിയുടെയും മോഹന്‍ലാലിന്‍റെയും വീട്ടില്‍ നടന്ന ആദായാനികുതി റെയ്ഡിനെക്കുറിച്ചാണ്.

പോസ്റ്റിനൊപ്പമിട്ട കമന്‍റാണ് ഇത്. അത് അവിടെ വെളിച്ചം കാണുവെന്ന് ഒറപ്പില്ലാത്തോണ്ടാണ് ഇവിടെ ഇട്ടേക്കാവെന്നു വച്ചത്.നമ്മടെ വീട്ടിലിരുന്ന് ആരേക്കുറിച്ചു പറയാനും അനുവാദം മേടിക്കണ്ടല്ലോ.

അച്ചായന്‍റെ മോളി ലിങ്ക് കൊടുത്തേക്കുന്ന പോസ്റ്റിന് പലരും കമന്‍റിട്ടേക്കുന്ന കണ്ടു. എനിക്കു തോന്നിയത് മമ്മൂട്ടിടേം മോഹന്‍ലാലിന്‍റേം വീട്ടില്‍ നടന്ന റെയ്ഡ് വല്യ കാര്യവില്ലാത്ത കേസാണെന്നു വരുത്താനുള്ള നിക്കവാണ് ഈ പോസ്റ്റെന്നാണ്.

അതിന് കാരണമുണ്ട് . ബെര്‍ളിച്ചായന്‍ അടിസ്ഥാന പരമായി ഒരു മമ്മൂട്ടി കാറ്റാടിയന്ത്രമാണ്(ഫാന്‍ എന്നു പറഞ്ഞാല്‍ ചെറുതായി പോകുമെന്നു കരുതിയാണ്.) സംശയമുള്ളവര്‍ക്ക് ദേ അച്ചായന്‍റെ ഈ പോസ്റ്റോഅല്ലെങ്കില്‍ ഈ പോസ്റ്റോ നോക്കാം. അതും കഴിഞ്ഞ് ക്ഷമ മിച്ചമൊണ്ടേല്‍ പോയി പണ്ട് ഈ കാറ്റാടിയന്ത്രത്തെക്കുറിച്ച് പെഴയിട്ട ഒരു പോസ്റ്റ് ഇവിടെ കെടപ്പുണ്ട്. അതും വായിക്കാം.

തങ്കപ്പന്‍റെ അറയില് കൂളിഗ് ഗ്ലാസും ഗാഡ്ജെറ്റും ക്യാമറയും പിന്നെ ആപ്പിള്‍ ഐ ഫോണും കണ്ടെത്തിയ ബെര്‍ളിച്ചായന്‍ കുട്ടപ്പനെ പെണ്ണ് പിടിയനും കോഴിയും വെടിയും ഒക്കെ ആക്കിയെന്ന് നേരത്തെ ഇവിടെ കമന്‍റിട്ട ഒറാലു പരാതി പറയുന്നകേട്ടു. അതിന്‍റെ കാരണവും ഇപ്പം എല്ലാര്‍ക്കും മനസ്സിലായിക്കാണും.

താരങ്ങളുടെ ഡിമാന്‍റുകള്‍ കേട്ടു മടുത്തവരോ അവരെ വച്ച് പടം പിടിച്ച് കളസം കീറിയവരോ ആയ നിര്‍മാതാക്കളോ മറ്റു താരങ്ങളോ അങ്ങനെ ആരെങ്കിലും ഒറ്റിയിട്ടാണേലും അല്ലേലും ഇന്‍കം ടാക്സുകാരുടെ നടപടിയെ വിമര്‍ശിക്കേണ്ട കാര്യവൊണ്ടെന്ന് തോന്നുന്നില്ല. അവര്‍ ടാക്സ് കൃത്യമായി കൊടുക്കുന്നോരാണെങ്കില്‍ പിന്നെ പേടിക്കാനെന്തിരിക്കുന്നു? താരങ്ങളെ പറഞ്ഞിട്ടു കാര്യവില്ല. അവരുടെ എല്ലാ കാര്യത്തനും അവരേക്കാള്‍ ആവേശവും ധാര്‍മിക രോഷവും ഫാനുകള്‍ക്കും കാറ്റാടിയന്ത്രങ്ങള്‍ക്കുമല്ലേ?.